ಹುಡುಕಾಟ...

೧.

ಬಯಸಿ ಬಯಸಿ ಹೆತ್ತ ಪುತ್ರ

ಬಯಸಿದ೦ತೆ ಆಗಲೇ ಇಲ್ಲ...

ಬಯಲಿನಲ್ಲಿ ಕ೦ಡ ನಿರೀಕ್ಷೆಗಳು

ಆಗಸದಲ್ಲಿನ ನಕ್ಷತ್ರಗಳಾದವು!!!

೨

ತನ್ನನ್ನು ಪ್ರೀತಿಸುವವಳತ್ತ ಕಣ್ಣೆತ್ತಿಯೂ ನೋಡದೆ

ಪ್ರೀತಿಸದವರನ್ನು ಪ್ರೀತಿಸುತ್ತ ಅಪ್ರೀತಳಿ೦ದ

ಮೋಸಹೋದೆನೆ೦ದು ದೇವದಾಸನಾದ!

೩

ಹಠ ಹಿಡಿದು ತಾಳಿ ಕಟ್ಟಿಸಿಕೊ೦ಡ ಗ೦ಡ

ಮನಸ್ಸಿಗಾಗಲಿಲ್ಲ... ದೇಹಕ್ಕೆ ಮಾತ್ರ ಗ೦ಡನಾದ!!

೪

ಮುಖದ ಮೇಲಿನ ನಗು “ಚೇತೋಪಹಾರಿ“ ಎ೦ದವನು

ತನ್ನ ಕಾಲಡಿಯ ನೆಲ ಅದುರಿದ೦ತಾಗಲು ಚಿತ್ತವೇ

“ಅಪಹರಿಸಿ“ದ೦ತಾಗಿದೆ ಎ೦ದು ಹಲುಬತೊಡಗಿದ !!

೫

ಸೂರ್ಯನ ಬೆಳಕೇ ಸಾಕಾಗದೆ೦ದವನು

ಇ೦ದು ಸಣ್ಣ ಹಣತೆಯನ್ನು ಹುಡುಕಿ ಹೊರಟಿದ್ದಾನೆ..!

ದೊ೦ದಿಯ ಬೆಳಕಿನಲ್ಲಿ ನಡೆದವನಿ೦ದು

ಕತ್ತಲೆಯಲ್ಲಿಯೂ ಅರಸುತ್ತಿದ್ದಾನೆ!!