ಗೆಳೆಯ, ಇ೦ದೇಕೋ ನಿನ್ನ ನೆನಪಾಗುತ್ತಿದೆ.
ದೂರವಾಣಿ-ಚರವಾಣಿಗಳಿದ್ದರೂ,
ನಿನ್ನ ನೋಡಲೇ ಬೇಕೆನ್ನಿಸುತ್ತಿದೆ.
ಸತತ ಮೂರು ದಿನಗಳ ವಿರಾಮ!
ನಿನ್ನ ಕ್ರಿಯೆ-ಪ್ರತಿಕ್ರಿಯೆಗಳಿಗೆ
ಹಾಕಿದೆಯಾ ಅಲ್ಪವಿರಾಮ?
ಕ೦ಡರೂ, ಅದು ನಿನ್ನ ಭಾವಚಿತ್ರ !
ನೀನಲ್ಲವಲ್ಲ!
ಎದುರು ನೋಡುವ ಇ೦ಗಿತವೇನೂ
ಶಮನವಾಗುವುದಿಲ್ಲವಲ್ಲ!
ಒಮ್ಮೆ ನೋಡಿದರೆ ಸಾಕು!
ಮು೦ದಿನ ಘಳಿಗೆಗೂ ಬೇಕು!
ಆ ನೆನಪು
ನನ್ನ ಮು೦ದಿನ ಕ್ಷಣಗಳನ್ನು
ಸಹನೀಯಗೊಳಿಸಬಲ್ಲುದು!
ಕ್ಷಣ-ಮರುಕ್ಷಣಗಳ ನಡುವೆ
ಸದಾ ನಿನ್ನ ನೆನಪು
ನನಗೊ೦ದು ದಾರಿದೀಪ.
No comments:
Post a Comment