ಅಮಾವಾಸ್ಯೆ… ಹನಿಗಳು

1

ಚಂದ್ರ ಕರೆದ .. ಬಾ ಇಲ್ಲಿ ಬೆಳದಿಂಗಳೇ..

ಹೂಂ ಬಂದೆ.. ಇರು.. ಎನ್ನುತ್ತ ಮಗ್ಗಲು ಹೊರಳಿದಾಗ

ಚಂದ್ರನಿಗೆ ಕಂಡಿದ್ದು ಅಮಾವಾಸ್ಯೆ..!!

2

ಗಿಂಡಿಯ ತುಂಬಾ ಕ್ಷೀರ ಸಾಗರ

ದೇವರ ಪ್ರಸಾದವೆಂದು ಸ್ಡೀಕರಿಸಿದ್ದು

ಪರಸ್ಪರ ಒಪ್ಪಿತ ಪರಸಂಗ !!

3

“ಕರುಣಾಳು ಬಾ ಬೆಳಕೇ ಮಸುಕಿದೀ ಮಬ್ಬಿನಲಿ”

ಎನ್ನುತ್ತಾ ಕರೆಯುತ್ತಿದ್ದವನು

ಇದ್ದಕಿದ್ದಂತೆ ಮೂಕನಾದದ್ದು ಏಕೆಂದರೆ

ಮತ್ತೊಬ್ಬಳು ಅಂಧೆ  ಅವನ ಕೈ ಹಿಡಿದಾಗ !!

4

ಅವಳು ಎದೆಯಲ್ಲಿ ಬಿತ್ತಿ ಹೋದ ಸಾವಿರ

ನೆನಪುಗಳೆಲ್ಲವೂ ರಕ್ತದಲ್ಲಿ ಬರೆದ ಅಕ್ಷರಗಳಂತಿದ್ದರೂ

ಬರೆಯುವಾಗಿದ್ದ ತಾಳ್ಮೆ ಅಳಿಸುವಾಗ ಇರಲಿಲ್ಲ..!!

5

ಅಲ್ಲಲ್ಲಿ ಕಳೆದುಹೋದ ಮಾತುಗಳೆಲ್ಲವೂ

ಒಂದರ ಮೇಲೊಂದರಂತೆ  ನೆನೆಪಿಗೆ ಬರುತ್ತಿದ್ದಂತೆ

 ಅವಳು ಹೇಳಿದ್ದು ಕೇಳಿಸಿತು.. “ ಇವತ್ತು ಉಪವಾಸ ” !!