ರಾಜಯೋಗ !!!!

ಇವತ್ತಿ೦ದ ಮತ್ತದೇ ಮನೆಯಲ್ಲೆಲ್ಲಾ
ಮಲ್ಲಿಗೆ ಹೂವಿನ ಪರಿಮಳ,

ಘಲ್ಲುಘಲ್ಲೆನುವ ಕಾಲ್ಗೆಜ್ಜೆಗಳ ನಾದ!

ಮನದ ತು೦ಬೆಲ್ಲಾ

ಮು೦ಬರುವ ಸ೦ತಸದ ಕ್ಷಣಗಳ ರಿ೦ಗಣ!

ಗಳಿಗೆಗೊ೦ದು ಬಾರಿ ತಿವಿತ,

ಮಾತಿನ ಚಕಮಕಿ,

ಕೊನೆಗೊಮ್ಮೆ ಶಾ೦ತ ಸಮುದ್ರ!

ಶೇಷುವಿನ ಕುಣಿದಾಟ!

ಕ್ಷಣವೂ ಬಾಯಿಮುಚ್ಚದ೦ತೆ

ಮಾತಿನ ಸುರಿಮಳೆ,ಕೇಕೆ!

ಮುದ್ದು,ಸಿಟ್ಟು, ಹೊಡೆತ, ಬೈಗುಳ!

ಊಟ ಆಟಗಳೆರಡಕ್ಕೂ ಬಿಟ್ಟೂ ಬಿಡದ ಹಟ!

ಅಪ್ಪ ಆದನ್ನು ತಾ, ಅಪ್ಪಾ ಇದನ್ನು ತಾ ಎ೦ಬ

ಬೇಡಿಕೆಗಳ ಪಟ್ಟಿ!

ಅಕ್ಕಿ, ಬೇಳೆ, ಈರುಳ್ಳಿ ಎಲ್ಲಾ ಖಾಲಿ, ಖಾಲಿ!

ತೆ೦ಗಿನಕಾಯಿ ಮುಗಿದು ಹೋಗಿದೆ!

ವಾಷಿ೦ಗ್ ಮಿಷಿನ್ ನೀರು ಹೊರಗೆ ಬಿಡ್ರೀ!

ಬಟ್ಟೆ ಒಣಗೋಕೆ ಹಾಕ್ರೀ!

ರೀ, ರಾತ್ರಿ ಬೇಗ ಬರ್ತೀರಾ!

ತ೦ದೆ –ಮಗ ಇಬ್ರೂ ಸೇರಿ

ನನ್ ತಲೆ ತಿ೦ದು ಹಾಕ್ತೀರಿ!

ಎ೦ಬ, ಬಡ-ಬಡ ಮಾತುಗಳ ಊಟ!

ಮನೆಯ ತು೦ಬೆಲ್ಲಾ ಓಡಾಟ!

ಇನ್ನು ಮೇಲೆ ನನ್ನ ಮನೆಯಲ್ಲಿ

ಎ೦ದಿನ೦ತೆ ಕಲರವ,

ಹೂಗಳು ಮತ್ತೆ ಅರಳುತ್ತವೆ!

ಮನೆ ಮು೦ದಿನ ಹೊಸಿಲು ನೀರು ಕಾಣುತ್ತದೆ!

ನೆಲಗಳು ಹೊಳೆಯುತ್ತವೆ!

ಬಟ್ಟೆಗಳಿಗೆಲ್ಲಾ ಶುಚಿ ಕಾಣುವ ಸೌಭಾಗ್ಯ!

ನನಗೋ ರಾಜಯೋಗ.!!!

ನನ್ನವಳು ತವರಿನಿ೦ದ ಬ೦ದಿದ್ದಾಳೆ!